mere pahlu mein wo aaya bhi to khushbu ki tarah
main use jitna sametun wo bikharta jae

maza jab tha ki mere munh se sunte dastan meri
kahan se laega qasid dahan mera zaban meri

ye khayal tha kabhi khwab mein tujhe dekhte
kabhi zindagi ki kitab mein tujhe dekhte

mere mah tum to hijab hi mein rahe magar
hamein tab thi tab-o-tab mein tujhe dekhte [...]

ye kaj-adai ye ghamza tera kabhi phir yar!
ki tera shahr naya aur main musafir yar!

tu aur kuchh na sahi, dost to hai aakhir yar!
dukhi raha hai bahut aaj tera shair yar! [...]

ye kya tilism hai duniya pe bar guzri hai
wo zindagi jo sar-e-rahguzar guzri hai

gulon ki gum-shudagi se suragh milta hai
kahin chaman se nasim-e-bahaar guzri hai [...]

hum to samjhe the ki barsat mein barsegi sharab
aai barsat to barsat ne dil tod diya

showers of wine, i did think, would come with rainy clime
but alas when it did rain my heart broke one more time [...]